کیوزهێ که و
جهلیل ئاهنگهر نێژاد (جلیل آهنگرنژاد )
ئهگهر شکیا کیوزه ێ کهوێ ،
ئهگهر دڵد تهنگ بیو شهوێ ،
سهرێ بکیشه ئاسمان
وه بهرزیهیل کهشکهشان
هسارهێ وه تهنیا دیونی
خهنهێ وه ریو دنیا دیونی
دیونی « هشار هشاره» سه
دنیا وهفر و پهژاره سه
ئهما یهکێ ئاساره سه
راێ ئێ شهوهیله چاره سه
ادامه مطلب را کلیک کنید
کیوزهێ که و
جهلیل ئاهنگهر نێژاد (جلیل آهنگرنژاد )
ئهگهر شکیا کیوزه ێ کهوێ ،
ئهگهر دڵد تهنگ بیو شهوێ ،
سهرێ بکیشه ئاسمان
وه بهرزیهیل کهشکهشان
هسارهێ وه تهنیا دیونی
خهنهێ وه ریو دنیا دیونی
دیونی « هشار هشاره» سه
دنیا وهفر و پهژاره سه
ئهما یهکێ ئاساره سه
راێ ئێ شهوهیله چاره سه
***
ئهگهر شکیا کیوزهێ کهوێ ،
ئهگهر دڵد تهنگ بیو شهوێ ،
ئیوشم بهورهو واران وه کووڵ !
ئاگر مهرام گیان وه کووڵ !
شهو ها شان شیوهن کهرهو
خوهر ها شان ئاگر بهرهو
ئاگر بهره یل ! ئاگر بهرهیل !
ئاگر بهرهیل پای دجهیل !
ئهر ئاشق سوو بیون بچن
تا بال بیستیون بچن
دڵ بهن وه گیس دووسهوه
یا تاف ئوقیانووسهوه
دنیا له نوو ئاوا بکهن !
دهروهچهگهێ «سوو» وا بکهن!
***
ئهگهر شکیا کیوزهێ کهوێ ،
ئهگهر دڵد تهنگ بیو شهوێ ،
چهو گل ده وهێ بان زهیوا
منا ، خوهدا ، ئهیوا ، یهیوا
له شار کهس مهزانهگان
سهر بنه قهێ درانهگان
ئیوشن یهکێ واران وه شان
پر له عهتر رهێحان و گیان
مانای خهوِ مهردم زانێ
فهراشهێها له گیرفانێ
درانهگان ههم وا کهێدن
خهم لهێ هووزه ئاوا کهێدن
***
ئهگهر شکیا کیوزهێ کهوێ ،
ئهگهر دڵد تهنگ بیو شهوێ ،
دیونی بیوچگ بیوچگ بیوچگ
هانه سهر سهف مهلیوچگ
تا «سوو» له ئێره خوهر بیهێ
له رووژ نوو خهوه ر بیهێ
یهێ دهف وه ره و واران بچن
یهێ دهف وهرهو داران بچن
یهێ دهف وهرهو کهو ئاوهگان
یهێ دهف وهرهو رێژاوهگان
***
ئهگهر شکیا کیوزهێ کهوێ ،
ئهگهر دڵد تهنگ بیو شهوێ ،
وه پا ،وه دهس ، وه گیان بچوو
تا مال وه فرهگان بچوو
تا سهرده وا جاگان بچوو
تا تاف دهریاگان بچوو
ئهر کهفته هیورد یهێ چهوێ
بهش کرد له گیانه گهد تهوێ ،
چیو شیته لێوهگان لهیل ،
جوور مهلیوچگهیل وهیل،
هایده سهر سیم سیهێگ،
مهجلس تهرحیم سیهێگ،
بیوشه دڵد لهێوا نیه
خوهر لهی کهله ئاوا نیه
ها ها کوره مهجنوون لهیل !
پر بوو له تاف ئهلوهنهیل
تا گهر شهوێ ئاوا بکهی
لهێره منهی سووما بکهی
خوهر لهی کهلهیله جا بکهی
له زڵم شهو حاشا بکهی
سڵام کاکه دهس خوهش
سهرێ بێهو ماڵپهڕ م
له شد ساق بودن ئه راد شعرد ولا خم وه بان دل تاونیدن.
چه زیبا ست این شعر دل نشین ! کتابش رو کجا میشه خرید
باسلام
خوش اومدی...
میتونی به وبلاگ بلوط سر بزنی
بیشتر شعرهای آقای اهنگرنژادو
میتونی پیداکنی و اطلاعات بگیری
سلام استاد اهنگرنژاد
ادبیات کوردی این سالها واقعا به تو مدیونه . شعر کوزه ی آبی هم پر از صمیمیت و زیباییه .